Ср. Май 22nd, 2024

կառավարությունը հավանության արժանացրեց օրենսդրական այն նախաձեռնությունը, որով նախատեսվում է քրեական պատասխանատվության ենթարկել հանցավոր ենթամշակույթ կրողներին։ Վարչապետ Նիկոլ Փաշինյանը նիստի ընթացքում հատուկ նշեց, որ խոսքն օրենքով գողերի, սխոդկաների և նմանատիպ այլ երևույթների մասին է։

Այս օրենքի ընդունման նպատակն այն է, որ այս ամենի մեջ ներգրավված մարդիկ ենթարկվեն քրեական պատասխանատվության: «Սա շատ տրամաբանական օրենքի նախագիծ է, որովհետև այս ենթամշակույթի մարդիկ բանտը համարում են իրենց տունը, հետևաբար նրանց բոլորին պետք է ուղարկել իրենց տանը ապրելու»,-ասաց Փաշինյանը։
Զեկուցող, արդարադատության նախարար Ռուստամ Բադասյանը նշեց, որ քրեական աստիճանակարգության բարձրագույն կարգավիճակ ունեցող անձ կհամարվի ոչ միայն «օրենքով գողը», այլ նաև քրեական հեղինակությունը, վարչապետը պարզաբանեց՝ «թարգամանաբար ասած՝ ավտարիտետը»:

«Եթե տերմինների մասին ենք խոսում, դրա մեջ կընդգրկվի «մատաղի փողը», որ հավաքվում է քրեական աստիճանակարգության բարձրագույն կարգավիճակ ունեցող անձի համար»,-ավելացրեց նախարարը:

Նիկոլ Փաշինյանը նիստի առյուծի բաժինը նվիրեց այս նախագծին եւ մանրակրկիտ քննարկվեց նախագիծը, առավել մանրամասն նա իր պատկերացումները ներկայացրեց այս համայնքի մասին: «Այնպիսի մեկնաբանություններ կան, որ ենթադրենք՝ մարդը «օրենքով գող» է, կամ քրեական հեղինակություն է, ինչո՞ւ եք ենթարկում քրեական պատասխանատվություն: Այս հարցն ունի հստակ պատասխան, դա նշանակում է, որ պրակտիկայում նա պրոֆեսիոնալ ձևով զբաղված է հանցագործություններ կազմակերպելով: Բերեմ օրինակ, ենթադրենք, որ ինչ-որ մեկն ուզում է մեկին թալանել, գնում է այդ կարգավիճակով մարդու մոտ և նրա միջոցով կազմակերպում է»,-ասաց նա և նշեց, որ դա հանցագործությունների կազմակերպման պրոֆեսիոնալ օղակ է:

Սրան զուգահեռ մենք տեսնում ենք, որ պաշտոնավարման մեկուկես տարիների ընթացքում Փաշինյանը մեղմ ասած ոչ բարիդրացիական հարաբերությունների մեջ է գողականների, օրենքով գողերի հետ, համենայն դեպս արտաքուստ այդպես է ցուցադրվում, թեեւ ներքին ինֆորմացիաներ կան, որ այս իշխանություններն էլ ունեն իրենց յուրային գողականներին, որոնք անցած խորհրդարանական ընտրություններին ակտիվ մասնակցություն են ցուցաբերել հօգուտ իշխանությունների ու իշխանական թեկնածուների։ Այդուհանդերձ, հաշվի առնելով Նիկոլ Փաշինյանի անկանխատեսելի վարքագիծը եւ վերընշված նախագծի շրջանառության մեջ դնելու փաստ, գողական աշխարհում բողոքի մեծ ալիք է բարձրացել ընդդեմ Փաշինյանի։ Սխոդկաներից մեկի ժամանակ նրանք դժգոհություն են հայտնել, թե Փաշինյանը թող իր «թշնամի» գողերին պատժի, մեզ հանգիստ թողնի։

Պարզվում է՝ գողերի ու ավտարիտետների նկատմամբ Փաշինյանի հատոկ վերաբերմունքն իր պատճառներն ունի։ Ազատազրկման տարիներին նա Վովա Գասպարյանի ցուցումով մի քանիսի կողմից բռնության է ենթարկվել, խոսքը մասնավորապես Լենննականցի Սուրոյի Սուրեն Ավետիսյանի ու Զապի՝ Անդրանիկ Սողոյանի մասին է։

Նրանք պարբերաբար այցելության են գնացել Փաշինյանի խուց եւ ճնշումներ գործադրել վերջինիս վրա։ Հիմա եկել է հատուցման պահը եւ Փաշինյանը որոշել է օրենքով լուծել իր երբեմնի ախոյանների հարցը։ Դե, բնական է, նրանց տիրոջ՝ Վովա Գասպարյանի հետ հաշիվներ չունի մաքրելու, ուրեմն մնում են կամակատարները։ Մամուլում բազմաթիվ հրապարակումներ են եղել, որ մասնավորապես Զապը վայելում է Գասպարյանի հովանավորչությունը եւ եղել է նրա մտերիմը։

Անի Սահակյան

От admin

Добавить комментарий

Ваш адрес email не будет опубликован. Обязательные поля помечены *